अर्नब चक्रवात

मौसम विभागले अर्नब चक्रवातका कारण कात्तिक १२ गते रातिबाट नेपालमा ठूलो वर्षा र हिमपात बढ्न सक्ने भन्दै उच्च सतर्कता अपनाउन अपिल गर्‍यो। कोशीदेखि लुम्बिनीसम्म विशेष सतर्कता अपनाउन र अनावश्यक यात्रा, पदयात्रा तथा आरोहण नगर्न सुझाव दिइएको छ।

नेपाल नागरिक उड्डयन प्राधिकरणले अर्नब चक्रवातको सम्भावित प्रभावलाई ध्यानमा राख्दै हवाई सुरक्षा सतर्कता जारी गर्‍यो। बिहीबारदेखि शनिबारसम्म भारी वर्षा, तीव्र हावाहुरी र कम भिजिबिलिटीका कारण उडान र विमानस्थल सञ्चालनमा समस्या आउन सक्ने चेतावनी दिइएको छ।

जल तथा मौसम विज्ञान विभागले कोशी, बागमती र गण्डकी प्रदेशका हिमाली क्षेत्रमा रेड अलर्ट जारी गर्‍यो। अर्नब चक्रवातको प्रभावले नेपालका धेरै भागमा आगामी शनिबारसम्म भारीदेखि अति भारी वर्षा हुने पूर्वानुमान गरिएको छ।

ट्रेकिङ एजेन्सीज् एसोसिएसन अफ नेपालले अर्नब चक्रवातका कारण पदयात्री, पर्यटक र सदस्य कम्पनीलाई उच्च सतर्कता अपनाउन आग्रह गर्‍यो। कात्तिक १२ देखि १४ सम्म तराई, मध्यपहाड र उच्च हिमाली क्षेत्रमा भारी वर्षा, हिमपात, हिमआँधी र पहिरोको जोखिम रहेको बताइएको छ।

बाढी पूर्वानुमान महाशाखाले कात्तिक ११ देखि १५ गतेसम्म अर्नब चक्रवातको प्रभावले देशका विभिन्न क्षेत्रमा वर्षा र नदीको जलसतह बढ्न सक्ने चेतावनी दियो। नारायणी, बागमती, कमला र कोशी जलाधार क्षेत्रमा अनावश्यक यात्रा नगर्न आग्रह गरिएको छ।

नेपाल प्रहरीले अर्नब चक्रवातको प्रभावका कारण कात्तिक १३ देखि १५ गतेसम्म उच्च सतर्कता अपनाउन आग्रह गर्‍यो। कोशी, मधेश, बागमती, गण्डकी र लुम्बिनीका केही स्थानमा भारी वर्षा, चट्याङ र हावाहुरीको सम्भावना रहेको बताइएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले अर्नब चक्रवातका कारण कात्तिक १२ देखि १४ गतेसम्म उच्च सतर्कता अपनाउन आग्रह गर्‍यो। कोसी, बागमती, मधेश, गण्डकी र लुम्बिनीमा भारी वर्षा र उच्च पहाडी क्षेत्रमा हिमपात तथा हिमपहिरोको जोखिम बताइएको छ।

मौसम विभागले बङ्गालको खाडीमा विकसित चक्रवातको असरले कात्तिक ११ देखि १५ गतेसम्म नेपालका विभिन्न भागमा वर्षा र हिमपात हुन सक्ने बतायो। बाढी, पहिरो र हिमपातजन्य विपत्का लागि सतर्क रहन आग्रह गरिएको थियो।