वैदेशिक रोजगार ठगी

वैदेशिक रोजगारीमा पठाइदिने बहानामा लाखौँ रुपैयाँ ठगी गरेको आरोपमा हर्षनारायण चौधरी, पदमबहादुर खड्का क्षेत्री र शिवनारायण चौधरी पक्राउ परे। उनीहरूलाई थप अनुसन्धानका लागि वैदेशिक रोजगार विभाग, ताहाचल पठाइएको छ.

क्यानडा पठाइदिन्छु भन्दै १ लाख ८५ हजार रुपैयाँ ठगी गरेको आरोपमा भक्तपुरका ३३ वर्षीय चुडामणी रखाल पक्राउ परे। उनलाई सूर्यविनायकबाट पक्राउ गरी थप अनुसन्धानका लागि वैदेशिक रोजगार विभाग, ताहाचल पठाइएको छ.

जापान पठाइदिने भन्दै ११५ जनाबाट २ करोड ८० लाख रुपैयाँ ठगी गरेको आरोपमा Gatsby International Pvt. Ltd. का सीईओ प्रतीक बुढाथोकी पक्राउ परे। उनलाई बुटवलबाट पक्राउ गरी वैदेशिक रोजगार विभागको पक्राउ पुर्जीका आधारमा अनुसन्धान भइरहेको प्रहरीले जनाएको छ.

वैदेशिक रोजगारीमा पठाइदिन्छु भन्दै २ करोड ७२ लाख रुपैयाँ ठगी गरेको आरोपमा करण ऐर, सुनिता श्रेष्ठ, प्रेम पुरी, अच्युत दुलाल र बिर्खबहादुर विक पक्राउ परे। उनीहरूविरुद्ध क्रोएसिया, युरोप, जापान र क्यानडा पठाइदिने बहानामा रकम असुलेको उजुरी परेको थियो.

वैदेशिक रोजगारीका नाममा नक्कली श्रम स्वीकृति पत्र बनाएर २ लाख ५५ हजार रुपैयाँ ठगी गरेको आरोपमा फजले रसुल काठमाडौँको सिनामंगलबाट पक्राउ परे। उनलाई थप अनुसन्धानका लागि जिल्ला प्रहरी परिसर काठमाडौँमा पठाइएको छ.