डोल्पा कारागारबाट भागेका छ कैदीबन्दी पक्राउ

nagariknews.nagariknetwork.com November 09, 2026 02:05 Crime Nepali

डोल्पा जिल्ला कारागारबाट सुरुङ खनेर फरार भएका आठ कैदीबन्दीमध्ये छ जनालाई प्रहरीले पक्राउ गरेको छ। बाँकी दुई जनाको खोजीकार्य जारी छ।

डोल्पा जिल्ला कारागारबाट भागेका आठ कैदीबन्दीमध्ये थप दुई जनालाई प्रहरीले पक्राउ गरेको छ।
पक्राउ परेकामध्ये हरिबहादुर बुढा र यज्ञ विकलाई त्रिपुरासुन्दरी नगरपालिका–४ को जंगलमा लुकीछिपी बसेको अवस्थामा भेटिएको हो।
यसअघि कालीप्रसाद रोकाय, कपिल परियार, रामबहादुर विक र रेशम राना पक्राउ परिसकेका थिए।
कात्तिक १४ गते कारागारबाट सुरुङ खनेर भागेका बाँकी दुई कैदीबन्दीको खोजी भइरहेको प्रहरीले जनाएको छ।