अस्ट्रेलियाका युवामा मानसिक स्वास्थ्य चुनौती बढ्दो
Summary
अस्ट्रेलियामा देशभरका मानसिक स्वास्थ्य सहायता केन्द्रमार्फत १० लाखभन्दा बढी युवाले सेवा पाएका छन्। सरकारले ५६ वटा केन्द्र विस्तार र स्तरोन्नतिका लागि २१ करोड १५ लाख अस्ट्रेलियाली डलर लगानी गरिरहेको छ।
Key Points
- अस्ट्रेलियाका देशभर सञ्चालित मानसिक स्वास्थ्य सहायता केन्द्रमार्फत १० लाखभन्दा बढी युवाले सेवा प्राप्त गरेका छन्।
- मानसिक स्वास्थ्य तथा आत्महत्या रोकथामसम्बन्धी सहायक मन्त्री एम्मा म्याकब्राइडले १७६ केन्द्रमार्फत ९५ लाखभन्दा बढी निःशुल्क परामर्श सेवा प्रदान गरिएको बताउनुभयो।
- सरकारले ५६ वटा सहायता केन्द्र स्थापना, स्तरोन्नति र विस्तार गर्न २१ करोड १५ लाख अस्ट्रेलियाली डलर लगानी गरिरहेको छ।
- विस्तारपछि देशभर यस्ता केन्द्रको संख्या २०० भन्दा बढी पुग्ने र जटिल समस्या भएका युवाका लागि विशेष सेवा केन्द्र पनि सञ्चालनमा आउनेछ।
