पहिरोमा परी एक विद्यार्थीको मृत्यु

nagariknews.nagariknetwork.com September 08, 2026 09:29 Environment Nepali

दाङ–सल्यान सडकखण्डको अरिङ्गाले फेदीमा गएको पहिरोमा परी दाङका विद्यार्थी मदन पुनको मृत्यु भएको छ। सोही पहिरोमा १८ वर्षीय सुनिल थापा घाइते भएका छन्।

राप्ती लोकमार्गअन्तर्गत दाङ–सल्यान सडकखण्डको अरिङ्गाले फेदीमा गएको पहिरोमा परी दाङका विद्यार्थी मदन पुनको मृत्यु भएको छ।
मदन पुन दाङको तुलसीपुरस्थित ग्रेट अरनीको इग्लिस सेकेन्डरी स्कुलमा कक्षा १२ मा अध्ययनरत थिए।
सल्यान त्रिवेणी गाउँपालिका–३ स्थित घर जाने क्रममा सोमबार रातिको पहिरोमा परेर उनको मृत्यु भएको प्रहरीले जनाएको छ।
सोही पहिरोमा परी त्रिवेणी गाउँपालिका–३ का १८ वर्षीय सुनिल थापा घाइते भएका छन् र उनको उपचार श्रीनगरस्थित कान्तिपुर सामुदायिक अस्पतालमा भइरहेको छ।