भूमि मन्त्रालयका कार्यक्रम कार्यालय कक्षबाटै गर्नुपर्ने, होटल र रिसोर्टमा गर्न रोक

capitalnepal.com April 28, 2026 00:20 Politics Nepali

भूमि मन्त्रालयका सबै कार्यालयका कार्यक्रम अब होटल र रिसोर्टमा नगरी कार्यालयकै सभाहल र बैठक कक्षमा मात्र गर्नुपर्ने सरकारले निर्देशन दिएको छ।

भूमि व्यवस्था, सहकारी तथा गरिबी निवारण मन्त्रालयका सबै कार्यालयका कार्यक्रम कार्यालयभित्रको सभाहल तथा बैठक कक्षमा गर्नुपर्ने निर्देशित छ।
योजना अनुगमन तथा मूल्याङ्कन महाशाखाले सरकारी खर्चलाई मितव्ययी र उपलब्धिमूलक बनाउन परिपत्र जारी गरेको छ।
अब कुनै पनि कार्यालयले होटल तथा रिसोर्टमा बैठक, गोष्ठी, तालिम, सेमिनार गर्न नपाइनेछ।
सभाकक्ष र तालिमकक्षमा मात्र कार्यक्रम सञ्चालन गरिनुपर्ने व्यवस्था गरिएको छ।